यमनमा तनाव : सरकारी सेना र हुथी विद्रोहीबीच भिडन्तमा ६३ जनाको मृत्यु

यमनमा सरकारी सेना र विद्रोही हुथी समूहबीचको तनाव तीव्र बनेको छ । बीबीसी अरबी सेवाका अनुसार पछिल्ला २४ घण्टामा सरकारी सेना र हुथी विद्रोहीबीच भएको भिडन्तमा कम्तीमा ६३ जनाको मृत्यु भएको छ ।

केही वर्षको शान्तिपछि यमनमा दुवै पक्षबीच जुलाईदेखि फेरि द्वन्द्व बढेको हो । गत साता हुथी सशस्त्र समूहले अचानक गरेको आक्रमणपछि स्थिति थप बिग्रिएको छ ।