मेलम्ची खानेपानी आयोजनाको विवाद समाधान, भोलिदेखि पानी आउने

मेलम्ची खानेपानी आयोजनाको पानी पथान्तरण रोकिएको विवाद अन्ततः समाधान भएको छ । ऊर्जा, जलस्रोत तथा सिँचाइ मन्त्री कुलमान घिसिङ, भौतिक पूर्वाधार तथा यातायात मन्त्री र शहरी विकास मन्त्रीको समुपस्थितिमा मंगलबार राति १० बजेसम्म चलेको छलफलपछि सहमति जुटेको हो ।

भौतिक पूर्वाधार तथा यातायात मन्त्रालयमा भएको उक्त छलफलमा मन्त्रालयका सचिवहरू, खानेपानी मन्त्रालयका सचिव, मेलम्ची खानेपानी विकास समितिका पदाधिकारी र अन्य सरोकारवालाहरूको सहभागिता थियो ।