रुसी तेल ट्याङ्कर चुहावटपछि दर्जनौँ समुद्री स्तनधारी मृत फेला

गत महिना कृष्ण सागरमा रूसी तेल ट्याङ्करबाट तेल चुहिएपछि दुई दर्जनभन्दा बढी समुद्री स्तनपायी मृत फेला परेको एक डल्फिन उद्धार केन्द्रले आइतबार बताएको छ । अधिकारीहरूले प्रकोपको परिणामलाई नियन्त्रण गर्न तीव्र रूपमा काम गरिरहेका छन् ।

डिसेम्बर १५ मा क्रिमियालाई दक्षिणी रुससँग जोड्ने केर्च स्ट्रेटमा दुई पुराना रूसी ट्याङ्करहरू आँधीबेहरीमा फसेपछि यो चुहावट सुरु भएको थियो । एउटा ट्याङ्कर डुब्यो र अर्को किनारमा थन्कियो । यिनीहरूले वरिपरिको पानीमा मजुट नामक करिब दुई हजार चार सय टन भारी इन्धन तेल पोखेको अधिकारीहरूले अनुमान गरेका छन् ।