फिलिपिन्सको हाईस्कुलमा गोलीकाण्ड, दुई विद्यार्थी र बन्दुकधारीको मृत्यु

मनिला – दक्षिणी फिलिपिन्सको एक हाईस्कुलमा शुक्रबार भएको गोलीकाण्डमा दुई विद्यार्थी र बन्दुकधारीको मृत्यु भएको छ भने कम्तीमा आठ विद्यार्थी घाइते भएका छन् । स्थानीय अधिकारी र प्रहरीले घटनाबारे अनुसन्धान भइरहेको जनाएका छन् ।

साउथ कोटाबाटो प्रान्तको बाङ्गा सहरस्थित बाङ्गा नेसनल हाईस्कुलमा घटना भएको हो । फिलिपिन्स राष्ट्रिय प्रहरीले विद्यालय परिसरलाई सुरक्षित बनाइएको र विद्यालय प्रशासन तथा स्वास्थ्यकर्मीसँग समन्वय गरी अनुसन्धान अघि बढाइएको जनाएको छ ।