नेपाललाई विश्वकै उत्कृष्ट आरोग्य गन्तव्य बनाउन लगानी र पूर्वाधार विकासमा जोड

काठमाडौं । नेपाललाई विश्वकै प्रमुख ‘आरोग्य गन्तव्य’का रूपमा विकास गर्न सार्वजनिक–निजी साझेदारी, पूर्वाधार निर्माण, गुणस्तर वृद्धि, वैदेशिक लगानी र दक्ष जनशक्ति विकासमा जोड दिनुपर्नेमा सरोकारवालाहरूले जोड दिएका छन् ।

विश्‍व पर्यटन सञ्‍जाल र टुरिजम् इन्फो नेपालले संयुक्त रुपमा आयोजना गरेको कार्यक्रममा सरकार र निजी क्षेत्रका प्रतिनिधिहरूको सहभागितामा आयोजित वेलनेस नेपाल इन्भेस्टमेन्ट समिट २०२६ मा वक्ताहरूले नेपालको हिमालय, प्राकृतिक सम्पदा, आयुर्वेद, योग, ध्यान तथा सांस्कृतिक मौलिकतालाई एकीकृत गरी अन्तर्राष्ट्रिय बजारमा प्रवर्द्धन गर्नुपर्ने बताएका हुन् ।