पर्सा–बाराका उखु किसान समर्थन मूल्यको प्रतीक्षामा

पर्सा — संघीय सरकारले उखुको समर्थन मूल्य निर्धारण गर्न ढिलाइ गर्दा पर्सा–बाराका किसान मारमा परेका छन् । उखु किसान हकहित संघर्ष समिति पर्साका सचिव पृथ्वी साहले किसानको उखु बाली तयार भएर काट्न योग्य भइसक्दा पनि सरकारले समर्थन मूल्य निर्धारण गर्न ढिलाइ गर्दा आफूहरू मारमा परेको बताए ।

अधिकांश किसान हाल पनि संघीय सरकारबाट उखुको समर्थन मूल्य निर्धारण हुने प्रतीक्षामा बसेको उनले बताए । पूर्ववर्ती सरकारले जस्तै वर्तमान सरकारले पनि किसानको हितमा काम नगर्ने हो भने किसानले परिवर्तन अनुभूति गर्न नपाउने उनले बताए ।