स्वर्णिम वाग्ले- जयशङ्कर भेट : लगानी, ऊर्जा र कनेक्टिभिटीमा सहकार्य बढाउने विषयमा छलफल

काठमाडौँ । अर्थमन्त्री डा. स्वर्णिम वाग्ले र भारतीय विदेशमन्त्री डा. एस जयशङ्करबीच नयाँदिल्लीमा भेटवार्ता भएको छ । भारत भ्रमणको दोस्रो दिन भएको भेटमा नेपाल- भारतबीच रहिआएको भरपर्दो सम्बन्धलाई थप उन्नयन र समुन्नतितर्फ अघि बढाउने विविध विषयमा छलफल भएको नयाँदिल्लीस्थित नेपाली दूतावासले जनाएको छ ।

भेटमा अर्थमन्त्री वाग्लेले रसुवामा हालै गएको आकस्मिक बाढीपछि उद्धार तथा राहत कार्यमा भारत सरकारले पुर्‍याएको सहयोगका लागि धन्यवाद व्यक्त गरे ।