कैलाली– १ मा प्रलोपाबाट जनक राज शाहले दिए उम्मेदवारी

कैलाली। प्रगतिशील लोकतान्त्रिक पार्टीका तर्फबाट जनक राज शाहले कैलाली निर्वाचन क्षेत्र नं. १ बाट प्रतिनिधि सभा सदस्यका लागि उम्मेदवारी दर्ता गराएका छन् । मंगलबार टिकापुरस्थित निर्वाचन कार्यालयमा आयोजित कार्यक्रममा उनले आफ्नो उम्मेदवारी दर्ता गराएका हुन् ।

उम्मेदवारी दर्तापछि आयोजित संक्षिप्त कार्यक्रममा बोल्दै उम्मेदवार शाहले जनताको आवाज संसदमा पुर्‍याउने प्रतिबद्धता व्यक्त गरे । उनले स्थानीय विकास, सुशासन, पारदर्शिता र सामाजिक न्यायलाई आफ्नो प्रमुख प्राथमिकता बनाउने बताए । साथै, क्षेत्रका सबै नागरिकलाई समान अवसर र सम्मान सुनिश्चित गर्ने लक्ष्यसहित अघि बढ्ने उल्लेख गरे ।