यमालले भने : म हजारौं पटक जातीय दुर्व्यवहारको शिकार भएको छु

२ असोज, काठमाडौं । बार्सिलोनाका युवा स्टार लामिन यमालले आफू करिअरभर हजारौं पटक जातीय दुर्व्यवहारको शिकार भएको बताएका छन् । धेरै मानिसले आफ्ना टिप्पणी वा व्यवहार नै जातीय विभेदपूर्ण भएको महसुस नगर्ने पनि यमालले उल्लेख गरेका छन् ।

स्पेनको सरकारी निकाय स्पेनिस अब्जर्भेटरी अन रेसिज्म एन्ड जेनोफोबिया ले यस वर्ष सार्वजनिक गरेको प्रतिवेदनमा सन् २०२५ को अन्तिम त्रैमासमा यमाल र रियल म्याड्रिडका भिनिसियस जुनियर स्पेनमा सबैभन्दा बढी अनलाइन जातीय दुर्व्यवहारको निशानामा परेका खेलाडी रहेको जनाएको थियो ।