कैलाली–४ मा रास्वपाबाट दुई जनाको मनोनयन: पार्टीको पत्रपछि खेमराज कोइराला आधिकारिक उम्मेदवार

धनगढी । आगामी फागुन २१ गते हुने प्रतिनिधि सभा निर्वाचनका लागि कैलाली निर्वाचन क्षेत्र नं. ४ मा राष्ट्रिय स्वतन्त्र पार्टी (रास्वपा) तर्फको उम्मेदवारी दर्ता प्रक्रियामा केही समय अन्योल देखिएको थियो । एउटै दलबाट दुई जनाले उम्मेदवारी दर्ता गराएपछि पार्टीको आधिकारिक पत्रका आधारमा अन्ततः उम्मेदवार टुंगो लगाइएको हो।

निर्वाचन अधिकृतको कार्यालयका अनुसार मंगलबार बिहान रास्वपाबाट हरि प्रसाद रेग्मीले पहिलो पटक मनोनयन दर्ता गराएका थिए । दिउँसो सोही पार्टीका खेमराज कोइराला पनि उम्मेदवारी दर्ताका लागि निर्वाचन अधिकृतको कार्यालय पुगेपछि एउटै दलबाट दुई जनाको मनोनयन परेको अवस्था सिर्जना भएको थियो ।