मुर्झाएको मकवानपुर कांग्रेसमा उर्जा थप्ने एक तस्बिर

मकवानपुर । भनिन्छ, राजनीतिमा स्थायी शत्रु र स्थायी मित्र हुँदैनन् । राजनीति सम्भावनाको खेल हो । बुधबार हेटौँडामा देखिएको एक दृश्यले यही भनाइलाई पुनः पुष्टि गरेको छ ।

कुनै समय एक–अर्काको कटु आलोचकका रूपमा देखिँदै आएका नेताहरू एकाएक एउटै मञ्चमा उभिन पुगे । आसन्न निर्वाचनका सन्दर्भमा हेटौँडा–११ स्थित प्रादेशिक कृषि थोक बजारमा अपराह्न करिब ३ः३० बजे देखिएको दृश्यले मुर्झाएको मकवानपुर कांग्रेसमा नयाँ उर्जा थपिएको संकेत दिएको छ । उपस्थित सबैका मोबाइल र क्यामेरामा कैद भएको त्यो तस्बिर ऐतिहासिक र अविस्मरणीय बन्न पुगेको छ ।