सुदूरपश्चिमको चुनावी मैदान: २१० उम्मेदवारको भीडमा १८ जना मात्र महिला

धनगढी । सुदूरपश्चिम प्रदेशमा आगामी फागुन २१ गते हुने प्रतिनिधि सभाको प्रत्यक्ष निर्वाचनको मैदानमा महिला उम्मेदवारको उपस्थिति न्यून देखिएको छ । प्रदेशका १६ निर्वाचन क्षेत्रका लागि कुल २१० जनाले उम्मेदवारी दर्ता गराएका छन् । तर, त्यसमध्ये महिलाको सङ्ख्या मात्र १८ रहेको छ । बाँकी १९२ जना पुरुष उम्मेदवार छन् ।

प्रमुख दलहरूले महिला उम्मेदवारलाई टिकट दिन कन्जुस गरेको देखिन्छ । नेपाली कांग्रेस र नेकपा एमालेजस्ता प्रमुख दलहरूले सुदूरपश्चिमका १६ वटै क्षेत्रमा प्रत्यक्षतर्फ एक जना पनि महिलालाई उम्मेदवार बनाएको छैन ।