विश्वकप २०२६ को तेस्रो स्थानका लागि भिड्दै फ्रान्स र इंग्ल्यान्ड

फ्रान्स र इंग्ल्यान्ड शनिबार विश्वकप २०२६ को तेस्रो स्थानका लागि हुने खेलमा भिड्दै छन्। यो दुवै टिमका लागि प्रतियोगिताबाट उदास हुँदै बिदा लिने अवसर हुनेछ। फ्रान्सेली र इंग्लिस टिम भारी मन लिएर फ्लोरिडा आइपुगेका छन्। उनीहरूको मनमा एकै खाले पीडा रहनेछ, सेमिफाइनलमा बेहोरेको हार। एक प्रकारले दुवै टिम घाइते जस्तै छन्।

प्रतियोगिता सेमिफाइनल चरण प्रवेश गर्दा कुनै एक टिम सबैभन्दा राम्रो थियो भने त्यो फ्रान्स नै थियो। तर यही टिम स्पेनले खडा गरेको बलियो रणनीतिसामु धराशायी हुँदै २–० ले नमज्जासँग पराजित रह्यो। इंग्ल्यान्डले भने विश्वकपमा एक अर्को बिर्सनलायक परिच्छेद लेख्नेक्रममा अर्जेन्टिनाको हातबाट २–१ को हार बेहोर्‍यो, त्यो पनि सुरुआती अग्रता लिएर।