रवि-बालेनको राजनीतिक उत्थानमा अमेरिकी भूमिका खोज्ने ‘ग्रेजोन’बारे सरकारका प्रवक्ताको हल्का टिप्पणी

काठमाडौं– प्रधानमन्त्री बालेन्द्र (बालेन) शाह र राष्ट्रिय स्वतन्त्र पार्टी (रास्वपा)का सभापति रवि लामिछानेसहितका नेताहरूको राजनीतिक उदयमा अमेरिकी सहयोग प्राप्त संस्थाहरूको भूमिका रहेको दाबी गरिएको अमेरिकी सञ्चारमाध्यम ‘द ग्रेजोन’को रिपोर्टबारे सरकारका प्रवक्ताले हल्का टिप्पणी गरेका छन् ।

शुक्रबार बसेको मन्त्रिपरिषद् बैठकपछि सञ्चारकर्मीले ‘द ग्रेजोन’को रिपोर्टबारे सरकारको आधिकारिक धारणा माग्दा सरकारका प्रवक्ता एवं शिक्षा तथा खेलकुदमन्त्री सस्मित पोखरेलले उक्त सञ्चारमाध्यमको प्रामाणिकता र विश्वसनीयतामाथि प्रश्न उठाउँदै आधिकारिक धारणा सार्वजनिक गर्न आवश्यक नरहेको प्रतिक्रिया दिए ।