लम्पी स्किनको असर : दूध उत्पादनमा कमी, किसानलाई खै मलहम ?

बुटवल । पशुमा लाग्ने लम्पी स्किन रोगको कारण देशभरकै किसान मर्कामा परेका छन् । लुम्बिनी प्रदेश अन्तर्गतका सबै जिल्लामा पनि अहिले लम्पी स्किन लागेका पशु चौपाया भेटिएका छन् ।

रोगका कारण अहिले बजारमा दूध उत्पादनसमेत घटेको छ । प्रदेशको पशुपंक्षी तथा मत्स्य विकास निर्देशनालयका अनुसार यो रोगको कारण दैनिक डेढ करोड भन्दा बढी दूधको मूल्यमा गिरावट आएको छ ।