सोफा हबको 'कन्टेन्ट क्रिएटर अवार्ड २०८३' मा चापागाईंले जिते १ लाख पुरस्कार

काठमाडौं । 'सोफा हब काठमाडौं'ले आयोजना गरेको 'कन्टेन्ट क्रिएटर अवार्ड २०८३' को उपाधि अनिश चापागाईँले जितेका छन्। शुक्रबार साँझ भक्तपुरमा आयोजित समारोहका बीच चापागाईँलाई १ लाख रुपैयाँ नगद पुरस्कारसहित अवार्ड प्रदान गरियो ।

प्रतिस्पर्धामा सहभागी ३२ जना सर्टलिस्टेड क्रिएटरहरूमध्येबाट 'टिम ४४४' दोस्रो हुँदै ५० हजार रुपैयाँ पुरस्कार प्राप्त गर्न सफल भयो। त्यसैगरी, सागर पाण्डे र श्रीजन श्रेष्ठले तेस्रो स्थान हासिल गर्दै जनही २५ हजार रुपैयाँ पुरस्कार र प्रमाणपत्र प्राप्त गरे।