प्रहरी श्रीमती संघको मानवीय कार्य प्रशंसनीय : प्रथम महिला शाक्य

काठमाडौँ । प्रधानमन्त्री केपी शर्मा ओलीका धर्मपत्नी तथा प्रथम महिला राधिका शाक्यले नेपाल प्रहरी श्रीमती सङ्घको मानवीय कार्य प्रशंसनीय भएको बताएकी छिन् ।

सो सङ्घको ४० औँ वार्षिकोत्सवका अवसरमा आज आयोजित कार्यक्रममा प्रथम महिला शाक्यले मानवीय सेवाको कार्य सबैभन्दा पवित्र भएको र प्रहरी सङ्गठनको गरिमा कायम राख्न प्रहरी तथा तिनका परिवारको उत्तिकै भूमिका हुने बताएकी हुन् । जुनसुकै समयमा राष्ट्रका लागि समर्पित हुने प्रहरीहरू सम्मानका हकदार भएको उनको भनाइ थियो ।