डा. देवेन्द्रराज पाण्डेको योगदान इतिहासले सधैं सम्झिनेछ : आङ्देम्बे

प्रतिनिधिसभाको प्रमुख प्रतिपक्षी नेपाली कांग्रेस संसदीय दलका नेता भीष्मराज आङ्देम्बेले नागरिक अगुवा तथा पूर्वअर्थमन्त्री डा. देवेन्द्रराज पाण्डेको निधनप्रति दुःख व्यक्त गरेका छन् ।

शनिबार श्रद्धाञ्जली तथा समवेदना सन्देश जारी गर्दै आङ्देम्बेले डा. पाण्डेको निधनले आफू अत्यन्त मर्माहत भएको बताएका हुन् । उनले नेपालको लोकतान्त्रिक आन्दोलन, सुशासन र सार्वजनिक जीवनमा डा. पाण्डेले पुर्‍याएको योगदान सदैव सम्मानका साथ स्मरण गरिने उल्लेख गरेका छन् ।