उच्च अदालत नेपालगञ्ज इजलासले टुंग्यायो दुई वर्षभन्दा पुराना सबै मुद्दा

नेपालगञ्ज । उच्च अदालत तुलसीपुर, नेपालगञ्ज इजलासले आर्थिक वर्ष २०८२/८३ मा दुई वर्षभन्दा पुराना सबै मुद्दाको सुनुवाइ सम्पन्न गर्दै महत्वपूर्ण उपलब्धि हासिल गरेको जनाएको छ। अदालतले उक्त अवधिमा कुल दुई हजार १६३ मुद्दामध्ये एक हजार ३५४ मुद्दा फर्छ्योट गरेको छ, जुन कुल मुद्दाको ६२.६० प्रतिशत हो।

शुक्रबार आयोजित वार्षिक प्रगति विवरण सार्वजनिक कार्यक्रममा उच्च अदालत तुलसीपुर, नेपालगञ्ज इजलासका न्यायाधीश बामदेव ज्ञवालीले दुई वर्ष नाघेका सबै मुद्दाको टुंगो लगाइएको जानकारी दिए। उनका अनुसार असार मसान्तसम्म १८ महिना पूरा भएका १५ वटा मुद्दा मात्र बाँकी रहेका छन्, जसलाई साउन महिनाभित्रै फर्छ्योट गर्ने लक्ष्य राखिएको छ।