२५ अर्बमा बन्दै छ नागमतीमा बाँध 

नागमती क्षेत्रमा जलाशययुक्त बाँध बनाउँदा काठमाडौंको गोकर्णेश्वरस्थित नागमती क्षेत्रका सानाठूला गरी ८० हजार रुख कटान गरिने भएको छ । बागमती तथा आसपासका नदीमा पानी प्रवाह गर्न दुई वर्षपछि एसियाली विकास बैंकको २५ अर्ब सहुलियत ऋणमा नागमतीमा बाँध बनाउन लागिएको हो ।

बाँध निर्माणका लागि वातावरणीय प्रभाव मूल्यांकन प्रतिवेदन (इआइए) स्वीकृतिको चरणमा छ । यसका लागि एसियाली विकास बैंकसँग सफ्ट लोन सम्झौता पनि भइसकेको छ । सात वर्षमा सक्ने गरी बागमती सभ्यता एकीकृत विकास समिति सिँचाइ इकाइले नागमतीमा बाँध बनाउने प्रक्रिया अघि बढाइरहेको छ ।