पुष्प व्यवसायमा विवाद, उपत्यकामै तिहार लक्षित दुई मेला

काठमाडौँ । तिहारलाई लक्षित गर्दै यो वर्ष काठमाडौँ उपत्यकाको दुई स्थानमा पाँच दिने पुष्प मेला लाग्ने भएको छ । पुष्प व्यवसायमा देखिएको आन्तरिक विवादका कारण ललितपुरस्थित जावलखेल खेल मैदान र काठमाडौँको भृकुटीमण्डप प्रदर्शनी कक्षमा आगामी कार्तिक १४ देखि १८ गतेसम्म समानान्तर रुपमा पुष्प मेलाहरु सञ्चालन हुने बुझिएको छ ।

फ्लोरिकल्चर एशोसिएसन नेपाल (फ्यान) ले लालितपुरमा र नर्सरी व्यवसायी संघ नेपालले भृकुटीमण्डपमा पुष्प मेला आयोजना गर्न लागेका हुन् । विगत १६ वर्षदेखि फ्यानले तिहार लक्षित पुष्प मेला सञ्चालन गर्दै आएको छ । तर यो वर्ष अर्को पक्षले छुट्टै मेला सञ्चालन गर्न लागेको हो ।