लिभरपुलले प्रशिक्षकको लागि एन्डोनी इराओलासँग गर्‍यो सम्झौता

इङ्लिस क्लब लिभरपुल फुटबल क्लबले नयाँ मुख्य प्रशिक्षकका रूपमा एन्डोनी इराओलालाई नियुक्त गर्ने लगभग पक्का भएको छ । क्लबले स्पेनी प्रशिक्षक इराओलासँग दुई वर्षे सम्झौताका लागि सिद्धान्ततः सहमति गरेको अन्तर्राष्ट्रिय सञ्चारमाध्यमहरूले जनाएका छन् ।

४३ वर्षीय इराओला पूर्व प्रशिक्षक आर्ने स्लोथको स्थानमा आउने तयारीमा छन्। शनिबार स्लोटलाई बर्खास्त गरिएपछि लिभरपुलका खेल निर्देशक रिचार्ड हग्स र इराओलाबीच वार्ता सुरु भएको थियो। दुवै पक्षबीचको छलफल तीव्र गतिमा अघि बढेको र यसै साताभित्र सम्झौता औपचारिक हुने अपेक्षा गरिएको छ ।