काठमाडौंमा बिरासत जोगाउन र भत्काउन प्रतिस्पर्धा

प्रतिनिधिसभा सदस्य निर्वाचन आउन २७ दन बाँकी हुँदा दलीय र स्वतन्त्र उम्मेदवार परिणाम आआफ्नो पक्षमा सार्न सक्रिय छन् । निर्वाचन आयोगले चुनाव प्रचारका लागि फागुन पहिलो सातादेखि मात्र समय तोके पनि दल र उम्मेदवार घरदैलो र सामाजिक सञ्जालबाट मतदाताको मत जित्न व्यस्त छन् । उनीहरू विगतको नतिजा जोगाउने र उल्ट्याउने रणनीतिमा सक्रिय छन् ।

मुलुकको संघीय राजधानी काठमाडौंमा मात्र होइन, दुर्गम जिल्लामा पनि विस्तारै चुनावी रापताप बढ्दै गएको छ । काठमाडौंका १० वटा निर्वाचन क्षेत्रमा पनि पुराना तथा नयाँ दलका र स्वतन्त्र उम्मेदवारले चुनावी रौनक देखिन थालेको छ ।