इस्माको घुम्ती शिविरबाट १४ सयभन्दा बढी लाभान्वित

गुल्मीको इस्मा गाउँपालिकाले सञ्चालन गरेको एकीकृत घुम्ती शिविरबाट १४ सय भन्दा बढी सेवाग्राही लाभान्वित भएका छन्। गाउँपालिकाको आर्थिक वर्ष २०८२/८३ को वार्षिक नीति तथा कार्यक्रमअनुसार नागरिकको घरदैलोमै सेवा पुर्‍याउने उद्देश्यले छवटै वडामा एकीकृत घुम्ती शिविर सञ्चालन गरिएको थियो।

शिविरमार्फत सबैभन्दा बढी पशुपन्छी औषधि तथा उपचार सेवा प्रदान गरिएको छ। उक्त सेवाबाट ६८४ जना लाभान्वित भएका छन्। साथै कुकुर, बिरालो र राँगासहित ३१५ वटा पशुमा रेबिजविरुद्धको खोप लगाइएको छ।