गलकोटमा तीन महिना असला माछा मार्न प्रतिबन्ध

गलकोट- बागलुङको गलकोट नगरपालिका असला माछा संरक्षणमा जुटेको छ । गलकोट दरम र गौदीखोलामा पाइने असला माछाका लागि प्रख्यात छ ।

नगरपालिकाले कानून बनाएर गत वर्षदेखि असला माछा संरक्षण शुरू गरेको थियो । जुनसुकै समयमा जथाभावी माछा मार्ने प्रवृत्तिले माछा लोप हुने अवस्था आएपछि तीन महिनाका लागि सो कार्यमा रोक लगाइएको नगरपालिकाले जनाएको छ ।