मे महिनामा १ लाख २ हजार ६२६ विदेशी पर्यटक हवाई माध्यमबाट नेपाल घुम्न आए

काठमाडौँ- सन् २०२६ को मेमा नेपाल भ्रमण गर्ने विदेशी पर्यटकको संख्या उल्लेखनीय वृद्धि भएको छ । नेपाल पर्यटन बोर्डका अनुसार मे महिनमा मात्र एक लाख दुई हजार ६२६ विदेशी पर्यटक हवाई माध्यमबाट नेपाल भित्रिएका छन्।

यो संख्या सन् २०२५ को मेको तुलनामा १९ प्रतिशतले बढी हो भने कोरोना महामारीअघि सन् २०१९ को मेको तुलनामा ३१ प्रतिशतले बढी हो। बोर्डका अनुसार सन् २०२५ को मेमा ८६ हजार २१६, सन् २०२४ को मेमा ९० हजार २११ र सन् २०१९ को सोही अवधिमा ७८ हजार ३२९ पर्यटकले नेपाल भ्रमण गरेका थिए।