बीमा प्राधिकरणको नयाँ अध्यक्षका लागि आवेदन बन्द, ५० जनाले दिए दाबी

नेपाल बीमा प्राधिकरणको नयाँ अध्यक्ष नियुक्तिका लागि आवेदन दिने प्रक्रिया सम्पन्न भएको छ । आवेदन दिने अन्तिम दिन कार्यालय समय सकिँदासम्म कुल ५० जनाले अध्यक्ष पदका लागि आवेदन दर्ता गराएका छन् ।

जानकारीअनुसार आवेदन दिनेमा बीमा क्षेत्रका विज्ञ, प्राधिकरणकै कार्यरत कर्मचारी, नेपाल राष्ट्र बैंकका बहालवाला तथा अवकाशप्राप्त कर्मचारीसँगै बीमा कम्पनीका पूर्व प्रमुख कार्यकारी अधिकृतसमेत रहेका छन् ।