डाकाहरु समूहले गोली प्रहार गर्दा श्रीमान-श्रीमती घाइते

महोत्तरी : महोत्तरीको सोनमामा डाकाहरुको एक समूहले गोली चलाउँदै श्रीमान श्रीमती घाइते भएका छन् । गएरातिको समयमा सोनमा गाउँपालिका–०३, खखना दक्षिणबारी टोलमा लुटपाट गर्न आएका व्यक्तिसँग प्रतिवाद गर्दा श्रीमान–श्रीमती नै घाइते भएका हुन् ।

५/६ जना अपरिचित व्यक्तिसँग प्रतिवाद हुँदा २७ वर्षीय रामईश्वर यादव र उनकी श्रीमती २२ वर्षीया किरण यादव घाइते भएका हुन् । उक्त समूहले गोली प्रहार गर्दा दुवै जना घाइते भएको जिल्ला प्रहरी कार्यालय महोत्तरीले जनाएको छ ।