नेकपाका नेता घरनजिकै खोल्सीमा मृत फेला

नेपाली कम्युनिष्ट पार्टी खोटाङका एक नेता मृत अवस्थामा फेला परेका छन्। नेकपाको १ नं. प्रदेश कमिटी सदस्य रहेका जिल्लाको दिप्रुङ चुईचुम्मा गाउँपालिका–२ डाँडागाउँका ५२ वर्षीय कृष्ण कार्की आफ्नै घरनजिको बाँसघारीमा मृत फेला परेको गाउँपालिकाले जनाएको छ।

गाउँपालिका अध्यक्ष लोकेन्द्रबहादुर राईले कार्की साउने संक्रातिका दिउँसो छिमेकीको घर जान्छु भन्दै घरबाट हिँडेकोमा राति अबेरसम्म पनि नफर्केपछि परिवारजनले खोज्दा मृत भेटिएको बताए। अवेर रातिसम्म घर नफर्केपछि खोजी गर्ने क्रममा उनी बाँसघारीस्थित खोल्सीमा मृत अवस्थामा फेला परेको अध्यक्ष राईले बताएका छन्।