‘रोल नं १’ को दोस्रो हप्तामा आक्रामक सुधारः काठमाडौंमा ८० प्रतिशत अकुपेन्सी, अधिकांश साँझका शो हाउसफुल

काठमाडौं । सुरुवाती दिनमा अपेक्षाकृत चाप नदेखिए पनि सिनेमा ‘रोल नं १’ले दोस्रो हप्ताको सुरुदेखि नै दर्शक संख्यामा उल्लेख्य वृद्धि गरेको छ ।

शनिबार (आज) यो चलचित्रमा दर्शकको चाप उच्च बिन्दुमा पुगेको छ। काठमाडौं उपत्यकाका प्रायः सबै शोमा ८० प्रतिशतभन्दा माथि अकुपेन्सी रहेको छ भने बाहिरी जिल्लाहरूमा ४५ प्रतिशतभन्दा माथिको अकुपेन्सी दर्ता भएको छ। केही शो पूर्ण रूपमा हाउसफुल समेत भएका छन् ।