म्यादी प्रहरीमा युवाको आकर्षण : २ लाख ३३ हजारले आवेदन दिए, आवेदन दिनेमा महिलादेखि रिटायर सुक्षाकर्मीसम्म

काठमाडौं : म्यादी प्रहरीको लागि माग गरेको भन्दा दोब्बर आवेदन परेको छ। नेपाल प्रहरी प्रधान कार्यालयले १ लाख १५ हजार म्यादी प्रहरीका लागि आवेदन खुलाएको थियो। मंसिर ४ गते हुने प्रदेश र प्रतिनिधिसभा चुनाव सुरक्षाका लागि आवेदन खुलाएको हो। तर असोज ६ गतेसम्म देशभर माग भन्दा दोब्बर आवेदन परेको नेपाल प्रहरीले जानकारी दिएको छ।

सातवटै प्रदेशबाट २ लाख ३३ हजार १०९ जनाको आवेदन परेको प्रहरी प्रधान कार्यालय नक्सालले जानकरी दिएको छ। यसरी आवेदन दिनेहरुमा ६० हजार ५८७ जना महिला छन्। मधेश प्रदेशमा सबैभन्दा धेरै आवेदन परेको छ।