क्रूर हत्याका १८ अभियुक्तलाई सफाइ दिएपछि बाजुराका न्यायाधीश विवादमा

काठमाडौं । क्रूर हत्याका १८ अभियुक्तलाई सफाइ दिएपछि बाजुराका जिल्ला न्यायाधीश ताराप्रसाद डाँगी विवादमा परेका छन् । २०७९ मंसिर ४ गते बाजुराको कैलाशमाडौँमा अनेरास्ववियुका नेता चेतनदीप अयडीको हत्या भएको घटनामा जिल्ला न्यायाधीश डाँगीको इजलासले बिहीबार ६ जनालाई कर्तव्य ज्यान कसुरमा दोषी ठहर गर्दै १८ जनालाई सफाइ दिएको हो ।

घटनामा २४ जनाभन्दा बढीको समूह चेतन एक्लै रहेको स्थानमा पुगेको र कुटपिटबाट उनको हत्या भएको अभियोगमा मुद्दा चलाइएको थियो । करिब चार वर्षपछि आएको फैसलामा अदालतले ६ जनालाई जन्मकैदको सजाय सुनाएको छ भने बाँकी १८ जनालाई अभियोगबाट सफाइ दिएको छ । दोषी ठहर भएकाहरूबाट पीडित पक्षलाई जनही एक लाख रुपैयाँ क्षतिपूर्ति भराउने आदेशसमेत भएको छ ।