नेपाल सुपर लिगमा ललितपुरलाई काठमाडौंको चुनौती, ललितपुरले निकाल्न सक्ला पहिलो जित ?

दोस्रो संस्करणको नेपाल सुपर लिगअन्तर्गत एलिमिनेटरमा आज काठमाडौं रेजर्स र ललितपुर सिटी एफसी एकअर्काविरुद्ध प्रतिस्पर्धामा उत्रिँदै छन् । काठमाडौंसँग ललितपुरको यो चौथो भिडन्त हो । यसअघि यी टोली गत सिजनमा दुईपटक र यस सिजनमा एकपटक एकअर्काविरुद्ध मैदानमा उत्रिसकेका छन् ।

गत सिजनको समूह चरणमा काठमाडौंविरुद्ध १–० गोलले पराजित भएको ललितपुर सोही सिजनको क्वालिफायर २ मा काठमाडौंसँग ३–० गोलले स्तब्ध बनेको थियो । यस संस्करणको नेपाल सुपर लिगमा पनि ललितपुरमाथि काठमाडौं १–० गोलअन्तरले हाबी भएको थियो ।