इरानका कट्टरपन्थीहरूको आरोप : गणतन्त्र र क्रान्तिको आदर्शविरुद्ध कू’ को प्रयास हुँदैछ

इरान : गत साता तेहरानमा सर्वोच्च नेता अली खामेनीको शवयात्रामा इरानका राष्ट्रपति मसुद पेजेस्कियान कालो पोसाक लगाएका शोकाकुल मानिसहरूसँगै हिँडिरहेका थिए । तर केही सहभागीहरूले दिवंगत नेताको सम्मानमा नारा लगाउनुको सट्टा उनकै विरुद्ध नारा लगाए, ‘सम्झौता गर्नेको मृत्यु होस् ।’

त्यस स्थानबाट धेरै टाढा नभई, इरानका शीर्ष कूटनीतिज्ञ अब्बास अराघ्ची, जसले ट्रम्प प्रशासनसँग युद्धविराम वार्ता गरेका थिए र इस्लामिक गणतन्त्रमाथि लगाइएका केही प्रतिबन्ध हटाउन भूमिका खेलेका थिए, उनलाई भीडले ढुंगा प्रहार गरेपछि शवयात्राबाट भाग्न बाध्य भए । भीडले उनलाई ‘देश बेच्ने गद्दार’ भन्दै मृत्युको नारा लगाएको थियो ।