झाडापखाला रोक्ने तितेकरेला

बर्खामा निकै बाक्लो खेती हुने तितेकरेलाको अचार प्रचलित छ, नेपाली समाजमा । तितेकरेलाको तरकारी पनि खाइन्छ । तितो स्वाद हुनाले केटाकेटीले कम मन पराए पनि यसको महत्व बुझेका जोकसैले यसलाई मीठो र स्वादिलो मानेर खाने गर्छन् । तितेकरेलाको वास्तविक स्वाद तितै हुन्छ ।

तितेकरेलालाई विभिन्न औषधिमा उपयोग गरिन्छ । यो आयुर्वेदिक चिकित्सामा निकै बहुउपयोगी तरकारी वा अचार हो । उच्च रक्तचाप, मधुमेह रोग, बाथको रोग निदानमा यो सहयोगीसिद्ध हुँदै आएको छ । यसको चिकित्सा इतिहास निकै लामो छ । युनानी चिकित्साको दृष्टिमा यसले पिसाबसम्बन्धी विविध रोग निको पार्छ ।