इबोला क्वारेन्टिन केन्द्र बनाउने अमेरिकी योजनाले केन्यालीहरू किन छन् त्रसित ?

केन्या : अमेरिकाले आफ्ना नागरिकहरूका लागि इबोला क्वारेन्टिन केन्द्र स्थापना गर्न चाहेको केन्याको मध्यभागस्थित सहरका बासिन्दाहरूले उक्त योजनाको कडा आलोचना गरेका छन् । उनीहरूका अनुसार यसले आफूहरूलाई इबोला भाइरसको जोखिममा पार्न सक्छ र यो अमेरिकाको दोहोरो मापदण्डको उदाहरण हो ।

प्रस्तावित केन्द्रको स्थान मानिएको राजधानी नैरोबीबाट करिब १२० माइल टाढाको नान्युकीस्थित लाइकिपिया एयर बेस नजिक बस्ने ट्याक्सी चालक चाल्र्स माथेङ्गेले भने, ‘सबैलाई आफ्नै देशमा क्वारेन्टिन गरिनु पर्छ । विदेशीहरूले रोग ल्याएर हामीमाथि थोपर्नु हुँदैन । केन्या हाम्रो देश हो, यसको सुरक्षा गर्नुपर्छ ।’