समता शुल्कले मध्यम वर्गलाई थप मारमा पार्छ : पूर्वअर्थमन्त्री डा खतिवडा

पूर्वअर्थमन्त्री डा युवराज खतिवडाले सरकारले बजेट मार्फत लागू गरेको ‘शिक्षा समता शुल्क’ ले समताको नाममा मध्यम तथा निम्न–मध्यम वर्गको जनतामा आर्थिक भार थपिने बताएका छन्।

शुक्रबार काठमाडौंमा आयोजित ‘शिक्षा समता शुल्क, निजी क्षेत्रका नीतिगत चुनौती र दायित्व’ विषयक अन्तरक्रिया कार्यक्रममा बोल्दै उनले सरकारले सार्वजनिक शिक्षाको गुणस्तर सुधार गर्न नसकेको अवस्थामा निजी विद्यालयमा अध्ययन गर्ने अभिभावकमाथि थप कर लगाउनु न्यायसंगत नभएको बताए।