मन्दोदरी–९ : रावणको शयन कक्षमा मन्दोदरीको प्रवेश

युद्ध धेरै दिन टिक्न सकेन । लङ्कालाई जोगाउन मन्दोदरी जति अकिञ्चन लागिन्, रावण ठीक त्यसको विपरीत लागे । आज रावणको न राज्य रह्यो, न राजप्रासाद । जस्तो क्रोधले गलेको मानिसको पतन हुन कतिबेर पनि लाग्दैन । लङ्काको श्री बचाउन मन्दोदरी जति चिन्तित थिइन्, दशानन त्यसरी कहिले चिन्तित देखिएनन् । पति वियोगान्तमा रोइरहेकी मन्दोदरी त्यो रात राम्रोसँग निदाउन पनि सकिनन् । उनी अतीतको गर्तमा शोकले झन् डुब्न थालिन् । बितेको कुरामा पछुतो मान्नु त आफ्नो ठाउँमा रहला, तर हरेक रात सपनाहरूमा उनी आफ्ना पति उही लङ्केश, सीता, लङ्काको रजनी रमाइलोमा हराउँदै जान थालिन्, मानौँ लङ्कामा केही भएकै छैन । मन पुरानै कुराबाट बाहिरिन