नेपालमा अवतार–०७ ईभी भित्रियो, मूल्य छिट्टै सार्वजनिक गरिने

काठमाडौं नेपाली अटो बजारमा नयाँ प्रिमियम इलेक्ट्रिक एसयूभी अवतार–०७ भित्रिएको छ । एमएडब्लू ग्रुप अन्तर्गतको एमएडब्लू वृद्धिले नेपालमा यो बहुप्रतिक्षित इलेक्ट्रिक गाडी ल्याएको हो । कम्पनीले छिट्टै यसको आधिकारिक बिक्री सुरु गर्ने तयारी गरिरहेको जनाएको छ ।

हालै नेपाल सरकारले बजेटमार्फत विद्युतीय सवारीसाधनको कर संरचनामा परिवर्तन गरेका बेला अवतार–०७ नेपाली बजारमा प्रवेश गरेको हो । यद्यपि, कम्पनीले यसको मूल्य भने अझै सार्वजनिक गरेको छैन ।