बंगलादेश विरुद्ध नेपालको असली परिक्षा

२० जेठ, काठमाडौं । साफ महिला च्याम्पियनसिप २०२६ को सेमिफाइनलमा साविक विजेता बंगलादेश विरुद्ध खेल्न गोवाको मैदानमा उत्रँदा नेपालको लक्ष्य स्पष्ट हुनेछ । एकातर्फ बंगलादेश विरुद्ध यसअघि दुई संस्करणको फाइनलमा बेहोरेको हारको बदला लिने अर्कोतर्फ फाइनलमा स्थान बनाउने ।

समूह ए को विजेता बनेको नेपाल र समूह बी को उपविजेता बंगलादेशबीच पहिलो सेमिफाइनलमा बुधबार दिउँसो सवा ४ बजे गोवास्थित जवाहरलाल नेहरु स्टेडियममा हुनेछ ।