परराष्ट्रमन्त्री खनाल र भाजपा विदेश विभाग प्रमुख चौथाइवाइलेबीच भेटवार्ता

भारतको औपचारिक भ्रमणमा रहेका परराष्ट्रमन्त्री शिशिर खनाल र भारतको सत्तारूढ दल भारतीय जनता पार्टी (भाजपा) का विदेश विभाग प्रमुख डा. विजय चौथाइवाइलेबीच आज नयाँ दिल्लीमा मैत्रीपूर्ण भेटवार्ता भएको छ।

नयाँ दिल्लीस्थित नेपाली दूतावासका अनुसार उक्त भेटवार्ताका क्रममा नेपाल र भारतबीचको द्विपक्षीय आपसी सम्बन्धलाई अझ बढी सुदृढ र प्रगाढ बनाउने विषयमा छलफल भएको थियो। साथै, दुई देशका राजनीतिक पार्टी–पार्टीबीचको सहकार्य र जनता–जनताबीचको ऐतिहासिक सम्बन्धलाई थप गाढा र सुमधुर बनाउने विषयमा समेत उनीहरूबीच महत्वपूर्ण विचार विमर्श भएको दूतावासले जनाएको छ।