डम्मरीको ‘यू–टर्न’ले सुदूरपश्चिमका मुख्यमन्त्री शाहको पद सुरक्षित भएको हो ? दुवैपक्षको आ–आफ्नै दाबी

सुदूरपश्चिम प्रदेशका मुख्यमन्त्री कमलबहादुर शाहलाई पदबाट हटाउने कांग्रेसभित्रकै अभियानमा मंगलबार नाटकीय मोड आयो । अविश्वास प्रस्तावमा हस्ताक्षर गरेकी प्रदेशसभा सदस्य डम्मरी महरा (रक्षा)ले आफ्नो हस्ताक्षर फिर्ता लिएपछि मुख्यमन्त्री परिवर्तनको अभियानमा लागेका सांसदलाई धक्का लाग्यो ।

गत ८ जेठदेखि कांग्रेसभित्र मुख्यमन्त्री शाहविरुद्ध खुला मोर्चाबन्दी सुरु भएको थियो । संसदीय दलका ज्येष्ठ सदस्य मानबहादुर रावलको अध्यक्षतामा बसेको दलको छुट्टै बैठकले नेता परिवर्तन गर्ने प्रस्ताव पारित गर्दै त्यसको जानकारी प्रदेशसभा सचिवालय, कांग्रेसको प्रदेश समिति र पार्टी केन्द्रीय समितिलाई पठाएको थियो । त्यसपछि ९ जना प्रदेश सांसदको हस्ताक्षरसहित शाहविरुद्ध अविश्वास प्रस्ताव दर्ता गरिएको थियो ।