संविधानको मर्म कार्यान्वयन गर्न सके मुलुकलाई समृद्धिको दिशामा अघि बढाउन सहज हुन्छ : पूर्वराष्ट्रपति भण्डारी

पूर्वराष्ट्रपति विद्यादेवी भण्डारीले संविधानको मर्म र भावनालाई प्रभावकारी रूपमा कार्यान्वयन गर्न सके मुलुकलाई स्थायित्व, विकास र समृद्धिको दिशामा अघि बढाउन सहज हुने बताएकी छन्।

संविधान दिवस तथा राष्ट्रिय दिवस २०८३ को अवसरमा शुभकामना सन्देश जारी गर्दै भण्डारीले लामो संघर्ष र बलिदानबाट प्राप्त लोकतन्त्र, गणतन्त्र, संघीयता, सामाजिक न्याय, समावेशिता र समानताका मूल्यलाई आत्मसात् गरेको संविधानको प्रभावकारी कार्यान्वयनमा जोड दिएकी हुन्।