सरकारी अस्पतालका बिग्रेका उपकरण राष्ट्रिय आविष्कार केन्द्रमार्फत मर्मत गर्नेबारे छलफल

सरकारी अस्पतालहरूमा थन्किएका र बिग्रिएका स्वास्थ्य उपकरणहरूलाई मर्मत गरी पुनः प्रयोगमा ल्याउन सरकारले पहल सुरु गरेको छ।

बुधबार स्वास्थ्य तथा खाद्य स्वच्छता मन्त्री निशा मेहता र राष्ट्रिय आविष्कार केन्द्रका अध्यक्ष महावीर पुनबिच देशभरका सरकारी स्वास्थ्य संस्थाहरूमा रहेका प्रयोगविहीन उपकरणहरूको पहिचान र मर्मत सम्भार गर्ने सम्बन्धमा आपसी समन्वय र सहकार्य गर्नेबारे चर्चा भएको हो।