महानगर यातायातले काठमाडौंमा थप्यो १६ नयाँ विद्युतीय बस

महानगर यातायात प्रा.लि.ले विद्युतीय बसमार्फत आफ्नो सेवा विस्तार गरेको छ। कम्पनीले बुधबारदेखि काठमाडौंको चक्रपथ क्षेत्रमा सञ्चालन गर्ने गरी १६ वटा नयाँ विद्युतीय बस सेवा सुरु गरेको हो।

३३ सिट क्षमताका यी आधुनिक बसहरू उभिएर यात्रा गर्ने यात्रुहरूलाई समेत सहज हुने गरी डिजाइन गरिएको कम्पनीले जनाएको छ। एकै पटक करिब ७० जना यात्रुले यात्रा गर्न सक्ने क्षमता रहेका यी बसहरूले सार्वजनिक यातायातलाई थप सुविधासम्पन्न बनाउने अपेक्षा गरिएको छ।