सोनम वाङ्चुकले अनशन तोड्न अस्वीकार गरे

एजेन्सी । भारतीय सामाजिक अभियन्ता सोनम वाङ्चुकलाई शनिबार बिहान दिल्लीको जन्तर–मन्तरस्थित आन्दोलनस्थलबाट हटाएर सफदरजंग अस्पताल भर्ना गरिएको छ। उनी नीट (NEET) परीक्षामा भएको भनिएको अनियमितताको विरोधमा २१ दिनदेखि आमरण अनशनमा बसेका छन्।

सफदरजंग अस्पतालले शनिबार दिउँसो सार्वजनिक गरेको स्वास्थ्य बुलेटिनमा वाङ्चुकले ड्रिप (सलाइन) वा मुखबाट कुनै पनि प्रकारको तरल पदार्थ लिन अस्वीकार गरेको जनाएको छ। अस्पतालका अनुसार उनको नाडी, रक्तचाप र अक्सिजन स्याचुरेसन सामान्य अवस्थामा रहे पनि शरीरमा पानीको कमी (डिहाइड्रेसन) देखिएको छ। स्वास्थ्य अवस्थालाई ध्यानमा राख्दै निरन्तर निगरानी र आवश्यक परामर्श भइरहेको अस्पतालले जनाएको छ।