सर्लाही कांग्रेसका कार्यवाहक सभापतिले दिए राजीनामा

काठमाडौँ । नेपाली कांग्रेस सर्लाहीका कार्यवाहक सभापति सरोजकुमार कौडेनाले पार्टीको क्रियाशील सदस्यता वितरण तथा नवीकरण प्रक्रियामा लोकतान्त्रिक विधि र पद्धति पालना नभएको आरोप लगाउँदै राजीनामा दिएका छन्।

कौडेनाले केन्द्रीय कार्यालय सानेपामा राजीनामा पत्र बुझाउँदै सर्लाही क्षेत्र नम्बर २ मा क्रियाशील सदस्यता वितरणका क्रममा अनियमितता भएको दाबी गरेका छन्। पार्टीको सदस्यता प्रक्रियामा देखिएको व्यवहारले कार्यकर्ताको भावना र मनोबलमा असर परेको उनको भनाइ छ।