दिल्लीको रेस्टुरेन्टमा भीषण आगलागी : २० जनाको मृत्यु, ३८ घाइते

नयाँ दिल्ली । बुधबार बिहान दिल्लीको मालवीय नगरस्थित हौजरानी क्षेत्रमा रहेको लेमन ग्रीन रेस्टुरेन्टमा भीषण आगलागी हुँदा कम्तीमा २० जनाको मृत्यु भएको छ भने ३८ जना घाइते भएका छन् ।

आगलागीको सूचना बिहान करिब ८ः५० बजे प्राप्त भएपछि दिल्ली दमकल सेवाले तत्काल १० वटा दमकल गाडी घटनास्थलमा पठाएको थियो । दमकलकर्मीहरूले लामो प्रयासपछि आगो नियन्त्रणमा ल्याएका छन् । अहिले पनि उद्धार कार्य जारी रहेको छ ।