संविधानले सुनिश्चित गरेका नागरिक स्वतन्त्रतालाई कार्यान्वयन गर्नु आजको प्रमुख आवश्यकता हो : कुलमान

उज्यालो नेपाल पार्टीका अध्यक्ष कुलमान घिसिङले संविधानले सुनिश्चित गरेका लोकतन्त्र, नागरिक स्वतन्त्रता, मौलिक हक, सामाजिक न्याय, समावेशिता र विधिको शासनका आधारभूत मूल्यलाई व्यवहारमा अझ प्रभावकारी रूपमा कार्यान्वयन गर्नुपर्ने बताएका छन्।

संविधान दिवसको अवसरमा शुभकामना सन्देश जारी गर्दै घिसिङले ठूलो त्याग, संघर्ष र बलिदानबाट सार्वभौम नेपाली जनताबाट निर्माण भई जारी भएको नेपालको संविधानले सार्वभौमसत्ता नेपाली जनतामा निहित गर्दै नागरिकलाई राज्यसत्ताको केन्द्रमा स्थापित गरेको उल्लेख गरेका छन्।