गगनको चुनावी जिल्ला सर्लाहीकै कांग्रेस कार्यवाहक सभापतिले दिए अधिवेशनको मुखमा राजीनामा

काठमाडौँ- नेपाली कांग्रेस सर्लाही जिल्ला कार्यसमितिका कार्यवाहक सभापति सरोज कुमार कौडेनाले पार्टीको क्रियाशील सदस्यता वितरण तथा नवीकरण प्रक्रियामा लोकतान्त्रिक मूल्य, मान्यता र पद्धति पालना नभएको आरोप लगाउँदै पदबाट राजीनामा दिएका छन्।

कौडेनाले नेपाली कांग्रेस केन्द्रीय कार्यालय, सानेपा, ललितपुरमा राजीनामा पत्र बुझाउँदै सर्लाही क्षेत्र नम्बर २ मा क्रियाशील सदस्यता वितरणका क्रममा भएको भनिएको धाँधलीपूर्ण व्यवहारप्रति गम्भीर असन्तुष्टि व्यक्त गरेका हुन्।